Banana Village

Banana Village, Malaysia, Pagi yang sempurna, dua orang sekawan kejumpahan mengupi di warung Pak Munawir tampat "zombie kampung pisang" belakun, sorang namanya Awie, and yang sorang namanya Samsul, dangan selamba, Awie behabar arah si Samsul pasal kematian si Kai, kemarin behari...

Awie : ada you mendangar si Kai mati kemarin behari yow?

Samsul : Iawah, ada pulang me mendangar tu, cemana bulih atu kan?

Awie : Inda, ia atu kan kerumah me wa tu, iatah masanya kan sampai, brakenya inda makan, iatah telumpat kretanya tekana stable, landing masuk ngam-ngam kebilik me tingkat 2..

Samsul : Ouhhh kesian jua ah, cematu rupanya ia mati...

Awie : Eh alum lagi ia mati tu, sampat ia keluar dari keretanya, habis wah bedarah-darah tekana ceramin pacah ah, iatah masanya keluar atu, bepigang ia arah alamari ikea me yang basar atu, iatah tumbang lamari ah arah nya.. tesapit ya wah, habis wah patah mematah tulang batisnya bekeluaran..

Samsul : Ouhhhh kesian jua ah, cematu rupanya ia mati..

Awie : Inda eh, alum lagi habis tu, dapat lagi ia melapaskan dari tesapit atu yow!! tapi just after ia lapas, rupanya rapuh udah lantai bilik me ah, iatah tegugur ia kebawah menerubus landing ngam didapur tampat tambak memasak.

Samsul : Ouuhhh sadis eh, cematu rupanya matinya!!

Awie : Ehhh alum lagi ia mati tu, he managed to bangun balik tapi ketumpahan aying panas ia yang mendidih didapur ah, habis bah hangus kulitnya kan seluruh badan..

Samsul : Bwoohh,, cematu rupanya matinya.. kesian ehh!!

Awie : Ehhh inda eh, hidup ia masih tu, sampat lagi ia bangun bagas kana aying panas ah, iatah ia tetarik wire telipun siring meja makan ah, apalagi, tekaran ia wah, tangannya lagi basah kuyup.. 1,000 volt kali ah..

Samsul : Ouuuhh.. kali ani ta ia, mati tu eh, kesian banar!!

Awie : Ehhh alum lagi tu eh... hidup ia masih tu yow...

Samsul : hold on now!! mun semua ia kan selamat, baik tah you gtau cemana ia mati.. manithh!!

Awie : You tau apa? Me timbak ia pakai senapang gajah!!

Samsul : ahhhhh?? you timbak?? kenapa you timbak??

Awie : Sasak me.... hancur rumah me ulihnya!!!